Hazırkı vəziyyətdə ABŞ-la danışıqlar İrana heç bir fayda vermir və ölkəyə dəyən ziyanın qarşısını ala bilməz. Ulusal.az xəbər verir ki , bu barədə ali lider Əli Xamenei bildirib.
“İndiki vəziyyətdə ABŞ hökuməti ilə danışıqlar, ilk növbədə, bizim milli maraqlarımıza xidmət etmir, bizə heç bir fayda gətirmir və heç bir zərərin qarşısını almayacaq”, – o, İran xalqına televiziya ilə müraciəti zamanı deyib.
İran liderinin sözlərinə görə, ABŞ-ın istədiyi və haqqında danışdığı danışıqlar “dialoq deyil, diktədir”.
“Çünki Amerika tərəfi danışıqların nəticəsini artıq müəyyən etmişdi, yəni nəticənin yalnız İranda uranın zənginləşdirilməsi və bütün nüvə fəaliyyətlərinin dayandırılması ilə nəticələnəcəyini elan etmişdi”, – Xamenei vurğulayıb.
