Amerikalı hərbi təlimatçılar ikitərəfli müdafiə əməkdaşlığı çərçivəsində Ermənistana gəlib.
Bu barədə Ermənistan Müdafiə Nazirliyindən məlumat verilib.
“Ermənistan-ABŞ müdafiə əməkdaşlığı çərçivəsində aprelin 1-də amerikalı bir qrup mobil təlimatçı Ermənistana səfər edib. Aprelin 1-dən 5-dək Ermənistan Müdafiə Nazirliyinin inzibati kompleksində təlimatçılar Müdafiə Nazirliyinin informasiya və ictimaiyyətlə əlaqələr şöbəsinin və “Zinuj Media” dövlət qurumunun əməkdaşları ilə ictimaiyyətlə əlaqələr və kommunikasiyalar sahəsində təcrübə mübadiləsi aparmaq üçün təlimlər keçirəcəklər”, – məlumatda qeyd olunub.
