Bakı şəhəri , Yasamal rayonu 53 saylı tam orta məktəbin şagirdlərin daha bir uğura imza atıblar. Ulusal.az xəbər verir ki, məktəbin şagirdləri Möhsün Hüseynli və Əmirxan Atakişiyev İNFOMATRİX- Beynəlxalq robotexnika, mühəndislik və layihə olimpiadasında qızıl medal qazanıblar.
31 may və 3 iyun tarixləri arasında Rumıniyanın paytaxtı Buxarest şəhərində təşkil olunmuş Infomatrix – Beynəlxalq robotexnika, mühəndislik və layihə olimpiadasında 53 saylı orta məktəbin 8-ci sinif şagirdləri Möhsün Hüseynli və Əmirxan Atakişiyev uğurla çıxış edərək 17 ölkədən 170-ə yaxın komandanın iştirak etdiyi olimpiadada robotexnika “Mini Sumo” kateqoriyası üzrə qızıl medala layiq görüldülər.
Bu münasibətlə qalib şagirdləri təbrik edir və gələcək həyatlarında uğurlar arzulayırıq.
