Ulusal.az xəbər verir ki, ABŞ-ın yeni seçilmiş prezidenti Donald Tramp ABŞ-ın 35-ci prezidenti Con Kennedinin, eləcə də Nobel Sülh Mükafatı laureatı Martin Lüter Kinqin qətlləri ilə bağlı məxfi materialları dərc edəcəyinə söz verib.
“Yaxın günlərdə biz prezident Con Kennedinin, onun qardaşı Robert Kennedinin, eləcə də Dr Martin Lüter Kinqin öldürülməsi ilə bağlı qalan qeydləri və ictimaiyyətin böyük marağına səbəb olan digər mövzuları ictimaiyyətə açıqlamağı planlaşdırırıq. Bütün bunlar ictimaiyyətə açıqlanacaq”, o, yanvarın 19-da Vaşinqtonun Capital One Sports Arenasında tərəfdarları qarşısında keçirilən mitinqdə bildirib.
Trampın andiçmə mərasimi yanvarın 20-də baş tutacaq.
ABŞ-ın 35-ci prezidenti Con Kennedi 1963-cü ildə, Martin Lüter Kinq və Robert Kennedi isə 1968-ci ildə öldürülüb.
