Moskva yaxınlığındakı “Krokus Siti Holl” konsert zalında törədilən terror aktının məqsədlərindən biri də Rusiyanın MDB ölkələri ilə münasibətlərinə xələl gətirmək istəyi olub.
Ulusal.az “İnterfaks”a istinadən xəbər verir ki, bu barədə Rusiya Federal Təhlükəsizlik Xidmətinin (FTX) direktoru Aleksandr Bortnikov bildirib.
Onun sözlərinə görə, bu terror aktını sifariş edənlər dini və milli amillərdən istifadə edərək münasibətləri korlamaq istəyiblər. Bortnikov bildirib ki, bu iş üzrə istintaq Qazaxıstan, Qırğızıstan, Tacikistan və Özbəkistanın xüsusi xidmət orqanlarının və hüquq-mühafizə orqanlarının iştirakı ilə aparılıb.
