Ulusal.az xəbər verir ki, Qəhramanmaraşda zəlzələ nəticəsində dağılmış çoxmənzilli binaların dağıntıları üzərində işləyən Azərbaycan Respublikası Fövqəladə Hallar Nazirliyinin xilasediciləri tapdıqları qızıl-zinət əşyalarını polisə təhvil verib.
Qəhramanmaraşın “Bazarcıq” rayonunda 7,7, Elbistan rayonunda isə 7,6 bal gücündə zəlzələlər şəhərdə böyük dağıntılara səbəb olub. Zəlzələdən dərhal sonra axtarış-xilasetmə işlərinə qatılan Azərbaycan FHN-nin xilasediciləri dağılmış bina qalıqları üzərində iş aparıb. Baş leytenant Şahəddin Kazımov rəhbərlik etdiyi qrup “Telvizoğlu”da binanın dağıntıları altında tapdıqları qızıl-zinət əşyalarını bir-bir sayaraq polisə təhvil veriblər.