İran Premyer Liqasının 19-cu turu çərçivəsində Təbrizin “Traxtur” klubu ilə Tehranın “Həvadar” komandasının qarşılaşması zamanı güneyli idman müxbirinin türkcə danışmasına icazə verilməyib.
Ulusal.az xəbər verir ki, bunu tanınmış Güney azərbaycanlı futbol yarışlarının aparıcısı və şərhçisi Məhəmməd Rəcəbi deyib.
“Zəlzələ ilə bağlı yaranmış acınacaqlı şəraitə görə bir neçə kəlmə türkcə danışmaq istəsəm də, buna icazə verilmədi. İndi fasilədən istifadə edib sizinlə türkcə danışıram.
Qəhrəman milətimizə demək istəyirəm ki, əl-ələ verib zəlzələdə dağılan evlərimizi yenidən tikəcəyik”, -deyə, Rəcəbi bildirib.